बुटवल । बुटवल उपमहानगरपालिकाको ‘मेयर युवा रोजगार प्रवर्द्धन’ कार्यक्रम अन्तरगत युवाहरुका लागि एसी, फ्रीज रिपेयरिङ्ग तथा मेन्टेनेन्स सम्बन्धी आधारभूत तालिम तथा अडियो, भियोग्राफी र ड्रोन सम्बन्धी आधारभूत तालिम सञ्चालनमा आएको छ । तालिमको मंगलबार समुद्घाटन गर्दै बुटवल उपमहानगरका प्रमुख खेलराज पाण्डेयले युवाहरुलाई रोजार सिर्जनाका लागि सीपमूलक तालिमका कार्यक्रमहरु सञ्चालन गरिएको जानकारी गराए ।
‘तालिमका लागि मात्रै तालिम होइन, सिकेका सीपलाई प्रयोग गरेर स्वरोजगार बन्ने, उद्यमी बन्ने बाटोमा युवाहरुलाई प्रेरित गर्ने हाम्रो लक्ष्य हो ।’- नगर प्रमुख पाण्डेयले भने, सीप प्रदान गर्ने मात्रै होइन उपमहानगरले रोजगारको सिर्जनाका लागि पनि काम गर्दैछ । उपमहानगरले रोजगार सिर्जनाका लागि आगामी महिना रोजगार मेला आयोजना गर्न लागेको जानकारी गराउँदै उनले उक्त मेलामा रोजगारदाता कम्पनी र उपमहानगरले सञ्चालन गरेका विभिन्न सीपमूलक तालिममा सहभागी व्यक्तिहरुलाई एकै ठाउँ सहभागी गराएर दुबै पक्षलाई श्रम र रोजगारको अवसर सिर्जना गरिने बताए ।
उपमहानगरकी उपप्रमुख सावित्रादेवी अर्यालले बुटवलभित्र रहेका युवाहरुलाई सकेसम्म रोजगार तथा स्वरोजगार बनाउने योजना अनुसार ठूला धनराशी लगानी गरेर सीपमूलक तालिमहरु सञ्चालन गरिएको जानकारी दिइन् । सकेसम्म देशमा सिकेको सीपलाई देशभित्रै प्रयोग गर्न सुझाव दिँदै उनले सिकेका सीपलाई अनिवार्य रुपमा व्यवहारमा प्रयोग गर्न समेत आग्रह गरिन् ।
उपमहानगरले सञ्चालन गरेको एसी, फ्रीज रिपेयरिङ्ग तथा मेन्टेनेन्स सम्बन्धी आधारभूत तालिममा २० जना युवाहरु सहभागी रहेका छन् । एक महिनासम्म सञ्चालन हने उक्त तालिमका लागि यसअघि नै आवेदन आह्वान गरी अन्तरवार्ता मार्फत छनोट गरिएको थियो । यसैगरी अडियो, भिडियोग्राफी तथा ड्रोन सम्बन्धी आधारभूत तालिमा ३० युवा युवाहरु छनोट भएका छन । ३० दिनसम्म सञ्चालन हुने उक्त तालिममा पनि आवेदन आह्वान गरी अन्तरवार्ता मार्फत छनोट गरिएको थियो ।
प्रतिक्रिया