काठमाडौं । कमेडी शो ‘कमेडी नाइट विद च्याम्पियन्स’का निर्देशक विशाल भण्डारीलाई प्रधानमन्त्री कार्यालयले बोलाएर प्रधानमन्त्रीप्रति व्यङ्ग्य गर्दा गम्भीर हुन सचेत गराइएकोछ । गत मङ्गलबारको शृङ्खलामा प्रधानमन्त्री केपी शर्मा ओलीप्रति व्यङ्ग्य गरिएको विषयमा स्वकीय सचिव अरुण लम्सालमार्फत भण्डारीलाई बोलाएर प्रधानमन्त्रीप्रति व्यङ्ग्य गर्दा गम्भीर हुन सचेत गराइएको हो ।
मंगलबारको कार्यक्रममा राष्ट्रिय स्वतन्त्र पार्टीका सांसदहरू डा. तोसिमा कार्की, सुमना श्रेष्ठ, असिम शाह र निशा डाँगी अतिथि थिए। कार्यक्रममा रमाइलो शैलीमा राजनीतिक व्यङ्ग्य प्रस्तुत गरिएको थियो। जहाँ कमेडियन सुमन कार्कीले प्रधानमन्त्री केपि शर्मा ओलिको रोल प्रस्तुत गरेका थिए भने अन्य कमेडियन हरुले विभिन्न नेताको हरुको भुमिका निर्वाह गरेर आफ्नो प्रस्तुति दिएका थिए।
भेटमा सामान्य कुराकानी भएको र नयाँ कार्यक्रमबारे केही छलफल पनि भएको निर्देशक भण्डारीले बताए । उनले अन्त्यमा प्रधानमन्त्रीप्रति व्यङ्ग्य गर्दा गम्भीर हुन अनुरोध गरिएको जानकारी दिए।
प्रतिक्रिया