काठमाडौं । नागरिक उन्मुक्ति पार्टीले सत्तारूढ गठबन्धनबाट आफूलाई अलग गर्दै सरकारलाई दिएको समर्थन फिर्ता लिने निर्णय गरेको छ।
शनिबार बसेको पार्टीको संसदीय दलको बैठकले समर्थन फिर्ता लिने निर्णय गरेको हो।
हालको राजनीतिक परिस्थिति र सरकारको क्रियाकलापप्रति असन्तुष्टि जनाउँदै समर्थन फिर्ता लिने निर्णय गरिएको हो। सुदुरपश्चिमका मुख्यमन्त्रीले पार्टीबाट प्रतिनिधित्व गरेका मन्त्रीलाई बिनाकारण बर्खास्त गरेको आरोप लगाउँदै सो पार्टीले सुदुरपश्चिम सरकारबाट समेत समर्थन फिर्ता गरिसकेको छ ।
‘आजको संसदीय दलको बैठकले सरकारलाई दिएको समर्थन औपचारिक रूपमा फिर्ता लिने निर्णय गरेको छ । अब हामी प्रतिपक्षमा बस्ने निर्णय गरेका छौं ।’, बैठकपछि पार्टी अध्यक्ष रञ्जिता श्रेष्ठले बताइन ।
केपी शर्मा ओली नेतृत्वको सरकारमा नाउपाबाट अरुण चौधरी संस्कृति, पर्यटन एवं राज्यमन्त्री छन् ।।
प्रतिक्रिया