नवलपरासी । मंगलबार रातिदेखि लगातार परेको अविरल वर्षाका कारण पश्चिम नवलपरासीको बर्दघाट नगरपालिकाका विभिन्न क्षेत्र जलमग्न भएका छन् । वर्षाका कारण बर्दघाटको वडा नम्बर १० र ११ का अधिकांश बस्ती डुबानमा परेका हुन् ।
अहिले पानी केही घटको छ तर रातभरको वर्षाले बस्ती र खेत डुबानमा परेका छन् । ध्रुव टोल, लण्डन ब्रिज, भुताहा, पानीट्यांकी टोल, बेलटाँडी, मौराहा टाँडीलगायतका टोलहरूमा पानी जम्दा घरभित्रै पसेको छ ।
बाढीका कारण घरभित्र रहेका खाद्यान्न, लत्ताकपडा, अन्नपात नष्ट भएका छन् । गोठमा रहेका पशुपंक्षी, उद्योग, गोदाम तथा पसलहरू पनि डुबानमा परी ठूलो क्षति भएको छ । डुबानले बस्तीका घर, खेत तथा भित्री सडकहरू पूरै जलमग्न बनाएका छन् । सडकमा करिब तीन फिटसम्म पानी जमेको छ ।
प्रतिक्रिया