काठमाडौं । प्रतिनिधिसभाको शिक्षा, स्वास्थ्य तथा सूचना प्रविधि समितिको बैठक अहिले बसिरहेको छ । बैठकमा बहुचर्चित विद्यालय शिक्षा विधेयकमाथि छलफल भइरहेको छ।
बैठकमा समितिभित्र गठन गरिएको परामर्श उपसमितिले सहमतिको आधारमा तयार पारेको प्रस्ताव समितिका सभापति अम्मरबहादुर थापाले प्रस्तुत गरेका छन्।
यसअघि असार २२ गते नै विधेयक पारित गर्ने तयारी गरिएको थियो। तर, शिक्षक महासंघले उठाएका मागहरूका सम्बन्धमा फरक-फरक प्रस्तावहरू आएपछि तत्कालीन शिक्षामन्त्री रघुजी पन्तले सहमतिका लागि समय मागेका थिए। त्यसक्रममा समितिले पाँच दिनको समय दिएको थियो। तर सो समयावधिमा बैठक नबस्दा प्रक्रिया लम्बिएको थियो।
अहिले बसिरहेको बैठकले विद्यालय शिक्षा विधेयक पारित गर्ने अपेक्षा गरिएको छ।
प्रतिक्रिया