काठमाडौं । सांघाई सहयोग संगठन (एससीओ) को शिखर सम्मेलनमा सहभागी हुन प्रधानमन्त्री केपी शर्मा ओली चीन जाने भएका छन् ।
३१ अगस्टदेखि १ सेप्टेम्बरसम्म चीनको तियानजिङमा आयोजना हुने आयोजना हुन लागेको सम्मेलनमा सहभागी हुन ओली त्यहाँ जान लागेका हुन् । नेपाल एसईओको डाइलग पार्टनर हो ।
एसईओमा नेपालको उच्चस्तरीय सहभागिता पहिलो पटक हुन लागेको हो । यसअघि राष्ट्रपति रामचन्द्र पौडेल सो सम्मेलनमा भाग लिन जाने बताइएको थियो । तर राष्ट्रपति नजाने भएपछि प्रधानमन्त्री जान लागेको बताइएको छ ।
चिनियाँ राष्ट्रपति सी जिनपिङले उद्घाटन गर्ने उक्त सम्मेलनमा भारतीय प्रधानमन्त्री नरेन्द्र मोदीसहित विभिन्न मुलुकका सरकार तथा राष्ट्र प्रमुखहरूको उपस्थिति रहनेछ। एससीओमा हाल चीन, काजकस्तान, किर्गिस्तान, ताजिकिस्तान, उज्बेकिस्तान, रुस, भारत, पाकिस्तान, इरान र बेलारुस गरी १० सदस्य राष्ट्र रहेका छन्।
भ्रमणका क्रममा ओलीले चिनियाँ राष्ट्रपति सी जिनपिङ र भारतीय प्रधानमन्त्री नरेन्द्र मोदीसँग छुट्टाछुट्टै भेटवार्ता गर्ने बताइएको छ ।
प्रतिक्रिया