काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेलाई रुपन्देहीको कारागारबाट आज काठमाडौं ल्याइँदैछ।
सहकारी ठगी प्रकरणमा लामिछाने चैत २५ गतेदेखि रुपन्देही कारागारमा रहेका लामिछानेलाई सरकारले आज काठमाडौं स्थानान्तरण गर्न लागेको हो ।
कारागार विभागले लामिछानेको निवेदनका आधारमा हिजो सरुवाको निर्णय गरेको थियो। भैरहवाबाट दिउँसो ३स्१० बजे बुद्ध एयरको उडानमार्फत काठमाडौं ल्याइने जनाइएको छ।
उनी ललितपुरको नख्खु कारागारमा रहने बताइएको छ । तर यसअघि लामिछानेले काठमाडौंभित्रको डिल्लीबजार कारागारमा बस्न माग गरेको कुरा सार्वजनिक भएको थियो ।
यसअघि लामिछानेले महिनौँ अघिदेखि काठमाडौं सरुवा गर्न निवेदन दिए पनि तत्कालीन गृहमन्त्री रमेश अड्डासारले राजनीतिक प्रतिशोध स्वरूप प्रक्रिया अघि बढाउन रोकेको आरोप निकिता पौडेलले लगाउँदै आएकी थिइन्।
कारागार स्थानान्तरण सम्बन्धी अदालतको आदेश कार्यान्वयन नगरेको भन्दै बढ्दो आलोचना भएपछि सरकारले उनलाई काठमाडौं ल्याउने तयारी गरेको हो। तर, राष्ट्रिय मानव अधिकार आयोगले रुपन्देही कारागारको अनुगमन गरेपछि मात्रै गृह मन्त्रालयले सरुवा प्रक्रियामा सहमति जनाएको थियो ।
प्रतिक्रिया