बुटवल । इन्जोय लेडिज एण्ड जेन्स लाङ्घाली ब्यूटी पार्लरको आयोजनामा २० औँ संस्करणको मिस, मिसेस एण्ड थर्ड जेन्डर तीज २०८२ बुटवलमा सम्पन्न भएको छ । बुटवल उद्योग वाणिज्य संघको सभाहलमा भएको फाइनल प्रतिस्पर्धामा मिसतर्फ मिना न्यौपाने, मिसेसतर्फ चाँदनी श्रेष्ठ र तेस्रोलिङ्गीतर्फ सोम्या महत्तो विजेता बनेका छन् ।
यसैगरी प्रतिज्ञा न्यौपाने फर्स्ट रनरअप, दिलमाया थिङ लामा सेकेन्ड रनरअप र आयाङ्का परियार थर्ड रनरअप बने । प्रतियोगितामा प्रविना खत्री अर्गनाइजर च्वाइस र इन्दिरादेवी सारु मगर भ्यूअर च्वाइस उपाधि जित्न सफल भए ।
कार्यक्रममा बुटवल उपमहानगरपालिका-६ का वडाअध्यक्ष लोकनाथ न्यौपानेले हरितालिका तीजलाई सिर्जनात्मक रुपमा मनाउँदै निरन्तर २० औँ संस्करणसम्म ल्याउनु प्रशंसनीय रहेको उल्लेख गरे ।
प्रतियोगितामा भूमिका श्रेष्ठ, रिमा बीसी र प्रियंका थापा निर्णायकको भूमिकामा रहे । दर खाने कार्यक्रमसहित सम्पन्न प्रतियोगितामा संस्थाका अध्यक्ष रोखा थापा र अन्य अतिथिहरूले विजेतालाई पुरस्कार वितरण गरेका थिए ।
प्रतिक्रिया