काठमाडौं । भुटानको थिम्पुमा बुधबारदेखि सुरु हुने १७ वर्षमुनिको साफ महिला च्याम्पियनसिप फुटबलअन्तर्गत आज नेपाल र भारतबीच प्रतिस्पर्धा हुने भएको छ । खेल नेपाली समयअनुसार दिउँसो पौने ३ बजे सुरु हुनेछ ।
भदौ १५ गतेसम्म चल्ने प्रतियोगितामा आयोजक भुटानसहित नेपाल, भारत र बंगलादेश सहभागी छन् । सबै टोलीले एकअर्कासँग दुई-दुई खेल खेलेपछि शीर्ष स्थानमा रहने टोली विजेता घोषित हुनेछ ।
नेपालले सन् २०२२ मा यही प्रतियोगिता जितेको थियो । यसपटक पनि सुखद सुरुवात गर्ने लक्ष्यसहित नेपाली टोली सोमबार नै भुटान पुगेको हो । नेपालले अन्य खेलमा भदौ ६ र १५ गते भुटानसँग तथा भदौ ८ र ११ गते बंगलादेशसँग प्रतिस्पर्धा गर्नेछ ।
प्रतिक्रिया