काठमाडौं । सुनको मूल्यमा लगातार गिरावट जारी छ। हिजो तोलामा १,२०० रुपैयाँले घटेको सुन आज फेरि थप १,६०० रुपैयाँले सस्तो भएको छ।
नेपाल सुनचाँदी व्यवसायी महासंघका अनुसार आज तोलामा सुनको मूल्य झरेर १ लाख ९३ हजार ५ सय रुपैयाँमा कायम भएको छ।
गएको मंगलबार तोलामा ८०० रुपैयाँले बढेको सुन दुई दिनमै उल्टो २,८०० रुपैयाँले घटिसकेको छ। हिजो सुनको मूल्य तोलामा १ लाख ९५ हजार १ सय रुपैयाँ थियो।
यसअघि साउन २३ गते सुन तोलामा १ लाख ९९ हजार ४ सय रुपैयाँसम्म पुगेको थियो, जुन हालसम्मकै उच्च मूल्य हो। त्यसयता सुनको मूल्य ५,६०० रुपैयाँले तल झरेको छ।
आज चाँदीको मूल्य पनि घटेको छ। प्रतितोला ४५ रुपैयाँले सस्तो भई चाँदी २,२५५ रुपैयाँमा कारोबार भइरहेको महासंघले जनाएको छ।
प्रतिक्रिया