डा. गोविन्द केसीको तीनदिने सत्याग्रह सुरु

काठमाडौं । चिकित्सा शिक्षा सुधारका अभियन्ता डा। गोविन्द केसीले निजी मेडिकल कलेजको सिट वृद्धि लगायतका निर्णयको विरोधमा तीनदिने सत्याग्रह सुरु गरेका छन्।

धनगढीस्थित गेटा मेडिकल कलेजमा आइतबार (भदौ १५) गते पत्रकार सम्मेलन गर्दै डा. केसीले सत्याग्रह सुरु गरेका हुन् । उनले निजी मेडिकल कलेजहरूको सिट वृद्धि गर्दा नेता र माफियाको मात्र फाइदा हुने आरोप लगाउँदै यस्तो कदमले शिक्षा र स्वास्थ्य दुवै प्रणाली धरापमा पर्ने चेतावनी दिए।

डा. केसीले इलाम, उदयपुर र डडेलधुरामा सरकारी मेडिकल कलेज तथा अस्पताल स्थापना गर्नुपर्ने, कैलालीको गेटामा निर्माण सम्पन्न भइसकेको शिक्षण अस्पताल र शैक्षिक कार्यक्रम तत्काल सञ्चालन गर्नुपर्ने मागसमेत राखेका छन्। साथै, निजी मेडिकल कलेजको सिट वृद्धि फिर्ता गर्नुपर्ने उनको आग्रह छ।