काठमाडौं । भारतको गुवाहटीमा असाम प्रदेशसँग जारी पाँच खेलको टी-२० सिरिजको अन्तिम तथा निर्णायक खेल आज साँझ हुँदैछ । नेपाल ‘ए’ टिमले सोमबार साँझ ५ बजे असामसँग पाँचौं खेलमा प्रतिस्पर्धा गर्नेछ ।
चौथो खेलमा आइतबार १८ रनले पराजित भएसँगै नेपालले सिरिज जित्ने अवसर गुमाएको थियो । सुरुमा ब्याटिङ गरेको असामले दिएको १७५ रनको लक्ष्य भेट्न नसक्दा नेपाल पराजित भएको हो । यसअघि सिरिजमा २-२ बराबरी भएकाले अब उपाधिका लागि दुबै टिम दबाबमा रहेका छन् ।
नेपालले पहिलो खेलमा डकवर्थ-लुइस (डीएल) पद्धतिका आधारमा १५ रनले हार बेहोरेको थियो । तर दोस्रो खेलमा ९६ रन र तेस्रो खेलमा ९ रनले जित निकाल्दै श्रृंखलामा अग्रता कायम गरेको थियो ।
नेपाल क्रिकेट संघ (क्यान) ले घोषणा गरेको नेपाल ‘ए’ टिममा कप्तान अनिलकुमार शाहसहित अलराउन्डर अदिल आलम, ब्याट्सम्यान सन्दीप जोरा लगायतका युवा तथा अनुभवी खेलाडी समावेश छन् ।
प्रतिक्रिया