बुटवल । बुटवलमा सम्पन्न दोस्रो जुनियर ईन्टर स्कुल तेक्वान्दो प्रतियोगिता २०८२ मा लुम्बिनी बोर्डिङ स्कुल च्याम्पियन भएको छ । लुम्बिनी बोर्डिङ स्कुलको सहयोगमा आरके तेक्वान्दो डोजाङ र लुम्बिनी तेक्वान्दो डोजाङको आयोजनामा शनिबार भएको प्रतियोगिता लुम्बिनी बोडिङले ४ स्वर्ण जित्दै प्रथम भएको हो ।
लुम्बिनीका विविशा सिजाली, ईशान गिरी, अन्जन सारु, आर्नभ श्रेष्ठले स्वर्ण जिते । प्रतियोगितामा अक्सफोर्ड ईगलिस बोर्डिङ स्कुल २ स्वर्ण जित्दै दोस्रो तथा ज्ञानोदय स्कुल २ स्वर्ण जित्दै तेस्रो भएको छ । अक्सफोर्डका प्रमिश थापा र शिवान्सी गुप्ता तथा ज्ञानोदयका असन बस्नेत र प्रवेश कठायतले स्वर्ण जितेका थिए ।
विभिन्न विद्यालयका डोजाङमा तेक्वान्दो सिक्दै गरेका जुनियर खेलाडीहरुका बिच प्रतिस्प्रर्धा मार्फत क्षमता विकास गर्न प्रतियोगिता गरिएको तेक्वान्दो प्रशिक्षक कृष्ण लाम्टाङेले बताए ।
एक समारोहका बिच लुम्बिनी बोर्डिङ स्कुलका प्रधानाध्यापक लालहरि पाण्डे, तेक्वान्दो प्रशिक्षक कृष्ण लाम्टाङेले विजेता, उपविजेता खेलाडीहरुलाई पुरस्कार वितरण गरेका छन । प्रतियोगितामा बुटवलका ६ विद्यालयका ३९ जना विद्यार्थीहरु सहभागी रहेका थिए ।
प्रतिक्रिया