नेपालगन्ज । जेन-जी सर्मथकको प्रर्दशनका क्रममा नेपालगन्जमा पुष्पलाल चोक स्थित नेपाल कम्युनिष्ट पार्टीका संस्थापक नेता स्वर्गिय पुष्पलाल श्रेष्ठको शालिक प्रदर्शनकारीले भत्काइदिएका छन् । प्रर्दशनकारीले स्थानीय पुष्पलाल चोकमा रहेको उक्त शालिक तोडफोड गरेर भत्काएका हुन् ।
प्रदर्शनकारीले पुष्पलाल चोक छेउमा रहेको प्रहरीको बिटमा पनि आगजनी गरेका छन् । यसअघि प्रदर्शनकारीले नेपालगन्ज स्थित कांग्रेस र उमालेको जिल्ला पार्टी कार्यालयमा आगजनी गरेका थिए ।
नेपालगन्जमा बिहानदेखी सुरु भएको प्रर्दशन नियन्त्रण बाहिर जान गएको देखिएको छ । प्रर्दशनलाई मध्यनजर गर्दै ठुलो संख्यामा सुरक्षाकर्मी परिचालन गरिएपनि प्रर्दशनकारीहरु ठाउँ ठाउँमा परिचालित भएर आगजनी तथा तोडफोड गरिरहेका छन् ।
प्रतिक्रिया