नेपालगन्ज । नेपाली सेनाका प्रधान सेनापति अशोकराज सिग्देलले आन्दोलनरत समुहलाई आन्दोलनका कार्यक्रम स्थगन गरेर वार्तामा आउन आह्वान गरेका छन् । राष्ट्रका नाममा भिडियो सम्बोधन गर्दै उनले विषम परिस्थितिबाट राष्ट्रलाई शान्तिपूर्ण निकास दिन आन्दोलनरत समुहलाई आन्दोलका कार्यक्रम स्थगन गरि वार्तामा आउन आह्वान गरेका हुन् ।
उनले हालसम्म जनधनको धेरै क्षति भइसकेको उल्लेख गर्दै जनधनको थप क्षति हुन नदिनु सबैको साझा दायित्व भएको बताएका छन् । वर्तमान असहज परिस्थितिलाई सामान्यीकरण गर्दै राष्ट्रको सर्वोपरि हितको रक्षा गर्नु सबैको साझा कर्तव्य हो। त्यसैले आन्दोलनका कार्यक्रमहरू स्थगित गरी वार्ताको बाटो समाउन अनुरोध गर्दछु।’ उनले भनेका छन् ।
प्रधान सेनापति सिग्देलले शान्ति, सुरक्षा, अमनचयन र राष्ट्रिय एकता कायम राख्न सबै नेपालीको साझा दायित्व रहेको बताएका छन्। वर्तमान असहज परिस्थितिलाई सामान्यीकरण गर्दै राष्ट्रको सर्वोपरि हितको रक्षा गर्नु सबैको साझा कर्तव्य भएको पनि उनले स्पष्ट पारेका छन् ।
जेनजी पुस्ताले गरेको आन्दोलनपछि भएका घटनाक्रमबारे जानकारी दिन उनले सम्बोधन गरेका हुन्।
प्रतिक्रिया