सिर्जनशील टिम बनाउन व्यस्त छु, फोन नगर्नुस् : शिक्षामन्त्री महावीर पुन

काठमाडौं । शिक्षामन्त्री महावीर पुनले मन्त्रालयमा सिर्जनशील टिम बनाउन व्यस्त भएकाले मोबाइल, म्यासेन्जर र ह्वाट्सएपमा अनावश्यक कल तथा सन्देश नगर्न आग्रह गरेका छन् ।

सामाजिक सञ्जालमार्फत सक्रिय रहेका मन्त्री पुनले पछिल्ला दिनमा हजारौँ फोन र सन्देश आइरहेको भन्दै केही समयका लागि सम्पर्कमा असुविधा हुन सक्ने बताएका छन् ।

उनले फेसबुकमा लेखेका छन्, “अस्तीदेखि मोबाइलमा, मेसेन्जरमा र ह्वाट्सएपमा हजारौँ कल र मेसेज आइरहेका छन् । म मन्त्रालयमा एउटा गतिलो र सिर्जनशील टिम बनाउन व्यस्त छु । त्यसैले केही दिनको लागि अनावश्यक फोन नगर्न र मेसेज नपठाउनु होला । धन्यवाद ।”

मन्त्री पुनले मन्त्रालयको कार्यक्षमता बढाउन र परिणाममुखी काम गर्ने उद्देश्यले टिम गठनमा प्राथमिकता दिएको बताएका छन् ।