काठमाडौं । राष्ट्रपति रामचन्द्र पौडेलले पुरोहितबाट टीका ग्रहण गरेका छन् । विजया दशमीका दिन आज उनले पुरोहितबाट टीका लगाएका हुन् ।
राष्ट्रपति पौडेलले पुरोहितद्वय अर्जुन अधिकारी र देवराज अर्यालबाट ११स्५३ बजेको शुभ साइतमा टीका लगाएको राष्ट्रवतिको सचिवालयले जनाएको छ ।
राष्ट्रपति भवन शीतल निवासमा नै राष्ट्रपति पौडेल सहित उनका परिवारले टीका लगाएका थिए ।
त्यसपछि राष्ट्रपति पौडेलले श्रीमती सविता तथा परिवारका अन्य सदस्यहरुलाई टीका लगाइदिएको राष्ट्रपति कार्यालयका सूचना अधिकारी अर्चना खड्काले जानकारी दिइन् ।
राष्ट्रपति रामचन्द्र पौडेलले यस वर्ष अरु नागरिकलाई टीका लगाइदिएनन् । देशमा उत्पन्न पछिल्लो परिस्थितिलाई ध्यानमा राख्दै राष्ट्रपतिले टीका नलगाइदिएको राष्ट्रपति कार्यालयले जनाएको छ ।
विगतमा राष्ट्रपतिबाट बडादशैंका अवसरमा आमनागरिकलाई टीका लगाउने गरिएको थियो ।
प्रतिक्रिया