काठमाडौं । अन्तर्राष्ट्रिय टी-२० शृङ्खलाको तेस्रो खेलमा आज नेपाली महिला राष्ट्रिय क्रिकेट टिमले मलेसियासँग प्रतिस्पर्धा गर्दैछ । पाँच खेलको सिरिजमा हाल नेपाल र मलेसिया १-१ को बराबरीमा छन् ।
पहिलो खेलमा तीन रनले पराजित भएको नेपालले दोस्रो खेलमा ६ विकेटले जित्दै श्रृंखला बराबरीमा ल्याएको हो । शनिबार सम्पन्न दोस्रो खेलमा मलेसियाले दिएको ९२ रनको लक्ष्य नेपालले १६.२ ओभरमा चार विकेट गुमाउँदै पूरा गरेको थियो ।
ओपनरहरूको सानदार प्रदर्शनसँगै नेपालले सहज जित निकालेको हो । यसअघि बिहीबार भएको पहिलो खेलमा १०५ रनको लक्ष्य पछ्याउने क्रममा नेपाल १०१ रनमा समेटिँदा तीन रनले हार मानेको थियो ।
सिरिजको बाँकी दुई खेल असोज २१ र २२ गते खेलिने छन् । कप्तान इन्दु बर्माको नेतृत्वमा रहेको नेपाली महिला टोलीले सिरिज जित्ने लक्ष्यसहित तयारीमा रहेको नेपाल क्रिकेट संघ (क्यान)ले जनाएको छ ।
प्रतिक्रिया