काठमाडौं । ऊर्जा, भौतिक पुर्वाधार तथा यातायातमन्त्री कुलमान घिसिङले सबैको सतर्कताले मानवीय क्षति कम भएको बताएका छन् । पत्रकार सम्मेलनको आयोजना गर्दै मन्त्री घिसिङले सरकारको सतर्कतका कारण बाढीका कारण मानवीय क्षति नभएको दाबी गरे ।
उनले वर्षापछि आएको पहिरोमा परेर इलाममा मानवीय क्षति भएको बताउँदै त्यो बाहेक अन्य क्षेत्रमा मानवीय क्षति न्यून भएको बताए । वर्षापछि आएको बाढी तथा पहिरोका कारण विभिन्न क्षेत्रमा भौतिक क्षति पुगेको बताउँदै मन्त्री घिसिङले त्यसलाई सरकारले प्राथमिकताका साथ पुर्ननिर्माणमा लाग्ने बताए ।
‘नदी नजिकको बस्ती बगाएर अथवा सडक भत्किएर कुनै पनि क्षति भएको छैन’, उनले भने, ‘अवरुद्ध सडकहरू तत्कालै खोल्ने तयारीमा सरकार लागेको छ ।’ काठमाडौंबाट पश्चिमको तर्फका सडक तत्कालै खोल्नेतर्फ अघि बढेको बताए ।
उनले इलाममा ३५१ मिलिमिटरको पानी परेर अतिवृस्टी भएको उल्लेख गर्दै जसले गर्दा पहिरोमा परेर मानवीय क्षति हुन पुगेको बताए ।
प्रतिक्रिया