नेपालगन्ज । जेन जी प्रदर्शनका क्रममा फरार भएका कैदीबन्दीहरुलाई बाँके प्रहरीले खोजि र पक्राउ गर्न सुरु गरेको छ । फरार कैदीबन्दीहरुलाई आफै हाजिर हुन आह्वान गरेको प्रहरीले आफै उपस्थित नभएपछि खोजि र पक्राउ गर्न थालेको हो ।
जेन जी प्रदर्शनको प्रदर्शनको मौका पारि नौबस्ता कारागारबाट भागि फरार रहेका नेपालगन्ज ९ काँकेगाउँका ज्यान मार्ने उद्योग मुद्दामा थुनुवा रहेका २६ वर्षिय हरकेश खाटिक र खजुरा ६ सिमलघारीका लागू औषध मुद्दामा ५ वर्ष ६ महिना कैद सजाय तोकिएका २३ वर्षिय मनोज चंदरालाई पक्राउ गरि नौबस्ता कारागारलाई बुझाईएको प्रहरीले जनाएको छ ।
त्यस्तै कोहलपुर ३ मैटहवाबाट मुगु जिल्ला अदालतबाट पक्राउ पुर्जी जारी भएको ज्यान मार्ने उद्योग मुद्धाको प्रतिवादी जिल्ला मुगु सोरु ३ का ४५ वर्षिय डिल बहादुर धामीलाई इलाका प्रहरी कार्यालय कोहलपुरको टोलीले पक्राउ गरि आवश्यक कारबाही अगाडी बढाएको बाँके प्रहरी प्रवक्ता डीएसपी दीपक पतालीले बताए ।
प्रहरीले लागू औषध मुद्दामा बाँके जिल्ला अदालतले ४ वर्ष १ महिना कैद र ५ हजार जरिवाना फैसला भएकी खजुरा ४ डि गाउँकी २० वर्षिया गंगा कुमारी खड्कालाई पनि पक्राउ गरिएको डीएसपी पतालीले जानकारी दिए ।
प्रतिक्रिया