काठमाडौँ । नेपाल प्रहरीका १८ जना प्रहरी कर्मचारी सम्पर्क बिहिन भएका छन् । सम्पर्क बाहिर रहेका प्रहरी कर्मचारीलाई प्रहरी प्रधान कार्यालय नक्सालले तत्काल हाजिर हुन आउन आग्रह गरेको छ । प्रहरी प्रधान कार्यालयको कानुन शाखाले आज एक सूचना प्रकाशित गर्दै ७ दिनभित्र हाजिर हुन आग्रह गरेको हो ।
‘आफूखुसी कार्यालयमा गैरहाजिर रहेको र खोजतलास गर्दा गराउँदा तथा प्रहरी नियमावली, २०७१ (संशोधन सहित) को नियम ११५ को देहाय (२) बमोजिम प्रक्रिया पूरा गरी सूचना टाँस भई सक्दा समेत कार्यालयको सम्पर्कमा नआउनु भएकोले हाजिर हुन आउनेबारे यो सूचना प्रकाशित गरिएको छ,’ सूचनामा भनिएको छ, ‘यो सूचना प्रकाशित भएको मितिले बाटोको म्याद बाहेक सात (७ं दिनभित्र आफू गैरहाजिर रहनुको कारण खोली सन्तोषजनक स्पष्टीकरण जवाफ सहित यस कार्यालय वा सूचना जारी गर्ने कार्यालयमा हाजिर हुन आउनुहोला ।
तोकिएको मितिमा पनि सम्पर्कमा नआए प्रहरी नियमावली बमोजिम सेवाबाट हटाउने कारबाही हुने सूचनामा उल्लेख छ ।
प्रतिक्रिया