काठमाडौं । नेपाली कांग्रेसका नेता कृष्णप्रसाद सिटौला पार्टी सभापति शेरबहादुर देउवाको पक्षमा उभिउका छन् । कांग्रेसको पदाधिकारी र पूर्वपदाधिकारीको बैठकमा नेता सिटौलाले सभापति देउवाको विकल्प खोज्नुपर्ने अवस्था नरहेको बताउँदै देउवाको प्रतिरक्षा गरेका हुन् ।
देउवालाई बिदा गर्दै पार्टी पुनर्गठनको माग गर्दै हस्ताक्षर संकलन भइरहेका बेला नेता सिटौलाले देउवाको प्रतिरक्षा गरेका हुन् । बैठकमा बोल्ने क्रममा सिटौलाले अहिले सभापति देउवाको विकल्प खोज्नु बेठीक हुने बताए ।
सिटौलाको बोली उद्धृत गर्दै बैठकमा सहभागी एक नेताले भने, ‘अहिले नै सभापतिको विकल्प खोज्ने बेला भएको हो त ? विकल्प खोज्नु पर्ने अवस्था अहिले म देख्दिन ।’
सिटौलाले अस्तिसम्म शेरबहादुर देउवा ठीक अहिले बेठीक कसरी हुन्छ ? भन्दै नेताहरुलाई प्रन गरेका थिए ।
सिटौला संसद् पुनर्स्थापनाको पक्षमा देखिएका देखिँदै आएका छन् । बैठकमा भने उनले त्यस विषयमा संसद पुनर्स्थापनामा जोड नदिएको सहभागी नेताले जानकारी गराए ।
बैठकमा पार्टी प्रवक्ता डा। प्रकाशशरण महतले पनि सभापतिको पक्षमा उभिँदै आफ्नो धारणा राखेका थिए।
प्रतिक्रिया