काठमाडौं । एएफसी एसियन यू-१७ महिला कप छनोट प्रतियोगितामा नेपालले आज घरेलु टोली थाइल्यान्डसँग निर्णायक खेल खेलेर प्रतिस्पर्धा गर्दैछ । नेपालका लागि आजको खेल ‘डु-ओर-डाइ’ अर्थात जित्नैपर्ने अवस्थामा छ । समूह चरणको यो अन्तिम खेलमा जित निकाल्न सके नेपालले आगामी वर्ष चीनमा हुने एएफसी यू-१७ महिला कपमा स्थान बनाउन सक्छ ।
थाइल्यान्ड भने आफ्नो अपराजित यात्रा कायम राख्ने लक्ष्यमा छ । उसलाई बराबरी भए पनि प्रतियोगिताको अर्को चरणमा पुग्न पर्याप्त हुनेछ ।
खेल थाइल्यान्डको चोनबुरीस्थित चोनबुरी रंगशालामा नेपाली समयअनुसार साँझ ५ः१५ बजे सुरु हुनेछ ।
समूहमा नेपालसँगै थाइल्यान्ड र तुर्केमिनिस्तान छन् । हालसम्म थाइल्यान्ड तीन अंकका साथ शीर्ष स्थानमा छ भने नेपाल एक अंकसहित दोस्रो स्थानमा रहेको छ । तुर्केमिनिस्तान अंकविहीन अवस्थामा पुछारमा छ ।
समूहको शीर्ष स्थानमा रहने टोलीले मात्र आगामी वर्ष चीनमा आयोजना हुने एएफसी यू-१७ महिला कपमा सहभागी हुने अवसर पाउनेछ ।
प्रतिक्रिया