बुटवल । राष्ट्रिय जनमोर्चा रुपन्देहीका अध्यक्ष टानबहादुर केसीको ह्दयघातका कारण निधन भएको छ। तिहारको अवसरमा घरमै दिदीबहिनीहरूसँग भाइटीका लगाएपछि बेहोस भएका ५० वर्षीय केसीको अस्पताल लैजाने क्रममा बाटोमै निधन भएको हो ।
भाइटीका लगाए लगत्तै दाजुभाइ दिदीबहिनीबीच नाचगान भइरहेका बेला केसी अचानक बेहोस भएको र तत्कालै उपचारका लागि बुटवलस्थित बुटवल अस्पताल प्रालिमा लगिएकोमा चिकित्सकले मृत घोषणा गरेका थिए ।
उनलाई उपचारका लागि बुटवल हस्पिटल प्रालिमा पुर्याइए पनि चिकित्सकले मृत घोषणा गरेका बुटवल अस्पतालका सूचना अधिकारी विक्रम खड्काले जानकारी दिए ।
केसीको निधनप्रति राजमोको मातृ पार्टी नेकपा (मसाल) का महामन्त्री मोहनविक्रम सिंहले विज्ञप्ति जारी गर्दै श्रद्धाञ्जली व्यक्त गरेका छन् ।
अर्घाखाँचीमा जन्मिएका केसी पछिल्ला २५ वर्षदेखि बुटवल उपमहानगरपालिका–१९, नहरपुरमा स्थायी रूपमा बसोबास गर्दै आएका थिए। केसीका श्रीमती र तीन छोरा छन्।
प्रतिक्रिया