काठमाडौं । डा. निकोलस भुसाल (कमल भुसाल)लाई प्रहरीले मंगलबार (कात्तिक १८) दिउँसो गोरखाबाट पक्राउ गरेको छ । उनलाई गोरखा नगरपालिका-८, रानीवनस्थित सरस्वती आश्रमबाट नियन्त्रणमा लिइएको हो ।
उपत्यका अपराध अनुसन्धान कार्यालयको टोलीले गोरखा जिल्ला प्रहरीले गरेको सहयोगमा भुसाललाई पक्राउ गरेको जनाइएको छ ।
सामाजिक सञ्जालमार्फत अमर्यादित र अभद्र अभिव्यक्ति दिएको आरोपमा उनलाई पक्राउ गरिएको उपत्यका अपराध अनुसन्धान कार्यालयका एक अधिकृतले जानकारी दिएका छन् ।
गोरखा जिल्ला प्रहरी प्रमुख प्रहरी एसपी भरत विकले पनि भुसाल पक्राउ परेका तथ्य पुष्टि गर्दै आवश्यक अनुसन्धान अघि बढाइएको बताए ।
प्रतिक्रिया