काठमाडौं । हङकङ सुपर सिक्सेस क्रिकेट प्रतियोगिताको पहिलो खेलमा नेपाल अफगानिस्तानसँग १७ रनले पराजित भएको छ ।
पहिले ब्याटिङ गरेको अफगानिस्तानले निर्धारित ६ ओभरमा पाँच विकेटको क्षतिमा ११२ रन बनाएको थियो । अफगानिस्तानका करिम जनातले १० बलमा चार छक्काको मद्दतमा ३५ रन जोडे । त्यस्तै, गुलबदिन नायब र सिदिकुल्लाह पचले समान २२-२२ रन बनाए ।
नेपालका लागि राशिद खानले उत्कृष्ट बलिङ गर्दै ह्याट्रिकसहित चार विकेट लिँदा लोकेश बमले एक विकेट हात पारे ।
जवाफी ब्याटिङमा उत्रिएको नेपालका सन्दीप जोराले आक्रामक ब्याटिङ गर्दै १४ बलमा ८ छक्कासहित ५३ रन बनाए । तर अन्य ब्याट्सम्यानले उल्लेखनीय प्रदर्शन गर्न नसक्दा नेपालले निर्धारित ६ ओभरमा दुई विकेटको क्षतिमा ९५ रन मात्रै बनाउन सक्यो ।
सिक्स ओभरको फरक र गतिशील ढाँचा रहेको यो प्रतियोगितामा नेपालले प्रारम्भिक हारसँगै सुधारका अवसर खोज्ने अपेक्षा गरिएको छ ।
प्रतिक्रिया