नेपालगन्ज । यसवर्षको कन्हैया-अञ्जना राष्ट्रिय संगीत पुरस्कार २०८२ वरिष्ठ लोक गायक कमल बि.के. निर्मोहीलाई प्रदान गरिएको छ ।काठमाडौंमा आज सम्पन्न स्वरमाधुरी अन्जना गुरुङ एकल साँझ सहितको विशेष कार्यक्रममा सो पुरस्कार निर्मोहीलाईप्रदान गरिएको हो ।
५१ हजार राशी रहेको सो पुरस्कार वरिष्ठ लोक गायक कमल बि.के. निर्मोही उपचार सहयोग समितिका संयोजक नमस्कार शाहले ग्रहण गरेका थिए । लोक गायक निर्माही बिरामी रहेका कारण कार्यक्रममा उपस्थित हुन असमर्थ भएको संयोजक शाहले बताए ।
निर्मोही दुबै मिर्गौला फेल भएर उपचारार्थ छन् । चलचित्र बिकास बोर्डका अध्यक्ष दिनेश डिसी, पुरस्कारका संस्थापक सुप्रसिद्ध गायक(गायिक कन्हैया सिंह परियार र अञ्जना गुरुङ लगायतले पुरस्कार प्रदान गरेका थिए । उक्त पुरस्कार निर्मोहीको निवास नेपालगञ्जमै आएर हस्तान्तरण गरिने संयोजक शाहले बताए ।
वरिष्ठ गायिका अञ्जना गुरुङलाई गत बुधबार मात्र ‘स्वरमाधुरी’ सम्मान अर्पण गरिएको थियो । बुधबार काठमाडौँमा एक विशेष कार्यक्रमबीच मिलाप मासिकले उनलाई ‘स्वरमाधुरी’ सम्मान प्रदान गरेको हो ।
प्रतिक्रिया