काठमाडौं। मधेस प्रदेशको मुख्यमन्त्री नियुक्ति प्रक्रियाविरुद्ध दायर रिटको सुनुवाइ न्यायाधीशद्वय तिलप्रसाद श्रेष्ठ र नृपध्वज निरौलाको संयुक्त इजलासमा हुने भएको छ।
मधेशका ७४ जना सांसदहरूले मुख्यमन्त्री नियुक्ति असंवैधानिक तरिकाले भएको जिकिर गर्दै सर्वोच्च अदालतमा रिट दायर गरेका थिए । संविधानको धारा १६८ को उपधारा (३) अनुसार गठन सरकारको वैधतामाथि प्रश्न उठाउँदै उनीहरुले अन्तरिम आदेश माग गरेका छन्।
यसअघि सर्वोच्चले मुख्यमन्त्री सरोज यादवलाई दीर्घकालीन प्रभाव पर्ने कुनै पनि नीतिगत निर्णय नगर्न अन्तरिम आदेश जारी गरिसकेको छ। न्यायाधीश टेकप्रसाद ढुंगानाको इजलासले सोमबार दायर रकी प्रसाद साहको रिटमा यस्तो आदेश दिएको थियो ।
रिटको संवेदनशीलता, सार्वजनिक महत्व र छिटो निष्कर्ष निकाल्नुपर्ने प्रकृतिलाई ध्यानमा राख्दै सर्वोच्चले नियम ७३ बमोजिम अग्राधिकार दिँदै अन्तिम सुनुवाइका लागि मंसिर ११ गते बोलाएको आदेशमा उल्लेख छ।
प्रतिक्रिया