काठमाडौं । नेपाल प्रिमियर लिग (एनपीएल) अन्तर्गत सोमबारको पहिलो खेलमा जनकपुर बोल्ट्सले विराटनगर किङ्सविरुद्ध टस जितेर पहिले बलिङ गर्ने निर्णय गरेको छ । कीर्तिपुरस्थित त्रिवि क्रिकेट रंगशालामा जनकपुरका कप्तान अनिल साहले टस जित्दै विराटनगर किङ्सलाई पहिलो इनिङ्स खेल्न निम्तो दिए ।
आफ्नो पहिलो खेलमा पराजित जनकपुर आज पहिलो जीतको खोजीमा मैदान उत्रिएको छ भने यसअघि खेलेका दुवै खेल विजयी विराटनगर लय कायम राख्ने लक्ष्यासहित मैदानमा उत्रिएको छ ।
अघिल्लो सिजन जनकपुरलाई उपाधि दिलाएका प्रशिक्षक पुबुदु दासानायके अहिले विराटनगर किङ्सको प्रशिक्षकको रूपमा छन् । विराटनगरको कप्तानी भने सन्दीप लामिछानेले सम्हालेका छन् ।
प्रतिक्रिया