प्रतिनिधिसभा पुनर्स्थापनाको माग गर्दै एमालेद्वारा सर्वोच्चमा रिट दायर

काठमाडौं । नेकपा एमालेले प्रतिनिधिसभा पुनर्स्थापनाको माग गर्दै सर्वोच्च अदालतमा रिट दायर गरेको छ।

विघटित प्रतिनिधिसभाका मुख्य सचेतक महेश बर्तौला र सचेतक सुनिता बरालसहितको टोली मंगलबार सर्वोच्च अदालत पुगेर रिट दायर गरेको हो ।

असंवैधानिक रुपमा गरिएको प्रतिनिधिसभा विघटनविरुद्ध एमाले संसदीय दलको तर्फबाट रिट निवेदन पेस गरिएको बर्तौलाले बताएका छन् ।

केही दिनअघि बसेको एमाले संसदीय दलको बैठकले प्रधानमन्त्री सुशीला कार्कीको नियुक्ति र प्रतिनिधिसभा विघटनलाई संविधान तथा लोकतान्त्रिक मूल्य-मान्यताविपरीत ठहर गर्दै त्यसविरुद्ध सर्वोच्चमा रिट दायर गर्ने निर्णय गरेको थियो ।

गत भदौ २७ गते प्रधानमन्त्री सुशीला कार्कीको सिफारिसमा राष्ट्रपति रामचन्द्र पौडेलले प्रतिनिधिसभा विघटन गरेका थिए। फागुन २१ गते नयाँ निर्वाचनको मिति तोकिएको छ ।