काठमाडौं । भेपमार्फत सुन तस्करी प्रकरणमा दोस्रोपटक पक्राउ परेका पूर्वसभामुख कृष्णबहादुर महरा २० लाख रुपैयाँ धरौटी बुझाएर रिहा भएका छन् । उच्च अदालत पाटनले बिहीबार महरालाई धरौटीमा छाड्न आदेश दिएपछि उनले काठमाडौं जिल्ला अदालतमा रकम बुझाएका हुन् ।
धरौटी बुझाएपछि महरा अदालतको ३० नम्बर फाँटमा उपस्थित भई तारिख लिएर रिहा भएका छन् ।
उच्च अदालत पाटनका न्यायाधीशद्वय अर्जुनप्रसाद कोइराला र तेजेन्द्रप्रसाद शर्मा सापकोटाको इजलासले महरा विरुद्धको आरोप, उनको उमेर तथा प्रस्तुत तथ्यहरूलाई आधार मानेर धरौटीमा रिहा गर्ने आदेश दिएको थियो ।
प्रतिक्रिया