काठमाडौं । जेनजी आन्दोलनका क्रममा काठमाडौंको बौद्धस्थित हायात होटलभित्र सञ्चालनमा रहेको प्राइड क्यासिनोमा भएको लुटपाट प्रकरणमा संलग्न रहेको अभियोगमा दुई जना पक्राउ परेका छन्।
पक्राउ पर्नेमा दावा सेट्टी र रणे (रञ्जित) खड्गी रहेको प्रहरीले जनाएको छ । उनीहरुलाई जिल्ला प्रहरी परिसर काठमाडौंको टोलीले सार्वजनिक उजुरी आएपछि नियन्त्रणमा लिई अनुसन्धान अघि बढाएको हो ।
२४ भदौको घटनामा यिनीहरुको समूहले खुकुरीसहित क्यासिनोमा प्रवेश गरी लुटपाट गरेका थिए । क्यासिनोभित्र हातहतियार बोकेर प्रवेश गरेको भिडियो प्रहरीले सुरक्षित राखेको छ ।
प्रहरीले घटनासम्बन्धी थप अनुसन्धान जारी राखेको जनाएको छ।
प्रतिक्रिया