खजुरा । बाँकेको खजुरा गाउँपालिकाले सन्चालन गरेको घुम्ती शिविर मार्फत ७० वटा नयाँ व्यवसायीहरु दर्ता प्रक्रियामा आएका छन । गाउँपालिकाले संचालन गरेको घुम्ती शिविर मार्फत ३७ व्यवसाय नविकरण भएको राजश्व शाखा प्रमुख भक्त बहादुर रावतले जानकारी दिए ।
गत विहिबार देखी व्यवसाय दर्ता तथा नवीकरणका लागी पालिकाले हरेक वडामा व्यवसायलाई पायक पर्ने स्थानमा घुम्ती शिविर सन्चालन गरेको थियो । पहिलो दिन वडा नम्बर १ मा संचालन गरिएको घुम्ती शिविर मार्फत नयाँ व्यवसाय दर्ता १४ जनाले गरेका छन् भने नबिकरण ८ जनाले गरेको सूचना प्रबिधि शाखा प्रमुख सुरेश साहुले जानकारी दिए । यस्तै, वडा नम्बर २ मा १४ वटा नयाँ व्यवसाय दर्ता भएकोमा ९ वटाले नविकरण गरेका थिए । वडा नम्बर ३ मा भने १ जनाले मात्र नयाँ दर्ता गरे भने नविकरण कसैले गर्न नआएको राजश्व शाखा प्रमुख रावतले जानकारी दिए ।
उनका अनुसार वडा नम्बर ४ मा २ वटा नयाँ दर्ता भयो भने नविकरण ३ वटाले गरे । त्यस्तै, वडा नम्बर ५ मा ४ वटा व्यवसायीले घुम्ती शिविरमा आएर दर्ता गरे । नविकरण भने २ वटा मात्र हुन सक्यो । वडा नम्बर ६ मा सबैभन्दा बढि व्यवसायीले आफ्नो व्यवसायको दर्ता गरेका थिए । २६ वटा नयाँ दर्ता सगैं ८ वटा व्यवसायीले नविकरण समेत गरे । खजुरा गाउँपालिका वडा नम्बर ७ मा ४ वटा नयाँ व्यवसायीले शिविरमा आएर दर्ता प्रक्रियामा भाग लिए भने नविकरण १ वटाले मात्र गरेका थिए । खजुरा गाउँपालिका राजश्व शाखाले आयोजना गरेको घुम्ती शिविरमा वडा नम्बर ८ मा ५ वटा व्यवसाय दर्ता प्रक्रियामा आए भने ५ वटा पुराना व्यवसायीले नविकरण समेत गरेका छन ।
स्थानीय तहमा व्यवसाय दर्ता र नविकरण गर्न पालिकाले समय समयमा सचेतनामुलक कार्यक्रम समेत सन्चालन गर्दै आइएको खजुरा गाउँपालिका अध्यक्ष डम्बर बहादुर विकले बताए । स्थानीय व्यापारी तथा उद्यमीहरूको केहि वडामा उत्साहजनक उपस्थिति रहेपनि केहि वडामा यसको औचित्यका बारेमा थप काम गर्न जरुरी देखिएको प्रमुख प्रशासकिय अधिकृत दिल बहादुर पौेडेलले जानकारी दिए ।
स्थानीय पालिकामा दर्ता र नविकरण गर्दा हुने सहजताका बारेमा धेरेलाई जानकारी नहुनाले पनि कम दर्ता प्रक्रियामा सहभागि भएको हुनसक्ने पालिका उपाध्यक्ष मन्जु मल्लले बतार्इन् ।
घुम्ती शिविरमा सेवा लिन आएका सहभागिहरूबाट सकारात्मक प्रतिक्रिया प्राप्त भएकोले शिविर बाहेकका दिनहरुमा समेत कार्यालयमै आएर दर्ता गर्ने क्रम बढिरहेको राजश्व शाखाले जनाएको छ ।
प्रतिक्रिया