काठमाडौं । सुशीला कार्की नेतृत्वको अन्तरिम सरकारमा शुक्रबार चारजना नयाँ मन्त्रीको नियुक्तिसँगै मन्त्रिपरिषद् विस्तार भएको छ । नयाँ मन्त्रीहरूले राष्ट्रपति कार्यालय शीतल निवासमा पद तथा गोपनीयताको शपथ ग्रहण गरेका हुन् ।
शुक्रबार शपथ लिएका मन्त्रीहरूमा कुमार इङ्नाम, माधव चौलागाईं, पूर्व डीआईजी राजेन्द्रसिंह भण्डारी र श्रद्धा श्रेष्ठ रहेका छन् । इङ्नामलाई भूमि व्यवस्था, सहकारी तथा गरिबी निवारण मन्त्रालयको जिम्मेवारी दिइएको छ । त्यस्तै, चौलागाईं वन तथा वातावरण मन्त्रालयको मन्त्री बनेका छन् ।
पूर्व डीआईजी भण्डारीलाई श्रम, रोजगार तथा सामाजिक सुरक्षा मन्त्रालयको जिम्मा तोकिएको छ भने श्रद्धा श्रेष्ठले महिला तथा बालबालिका मन्त्रालयको नेतृत्व सम्हाल्नेछिन् । चारै मन्त्रीले शपथपछि शुक्रबार नै सिंहदरबारमा पदभार ग्रहण गर्ने कार्यक्रम रहेको छ ।
चार मन्त्री थपिएसँगै प्रधानमन्त्री सुशीला कार्की नेतृत्वको मन्त्रिपरिषद् १४ सदस्यीय बनेको छ ।
प्रतिक्रिया