खजुरा । अवैध उत्खनन् एवं ढुवानी गर्दै आएका दर्जन बढी सवारी साधनहरूलाई इलाका प्रहरी कार्यालय धनौली खजुराले नियन्त्रणमा लिएको छ ।
खजुरा गाउँपालिका–५, ६ र ८ का विभिन्न स्थानका सरकारी सार्वजनिक ऐलानी जग्गाबाट अवैध रूपमा माटो तथा बालुवा उत्खनन् र ढुवानी गरिरहेको अवस्थामा इलाका प्रहरी कार्यालय धनौलीबाट खटिएको प्रहरी टोलीले उत्खनन्मा प्रयोग भएका सवारी साधन नियन्त्रणमा लिएको हो ।
ऐलानी जग्गाबाट अवैध रूपमा माटो तथा बालुवा उत्खनन् र ढुवानी भइरहेको सूचनाका आधारमा खटिएको प्रहरी टोलीले एउटा जेसीबी, एउटा टिपर र ११ वटा ट्याक्टरलाई नियन्त्रणमा लिएको धनौली प्रहरीले जनाएको छ ।
नियन्त्रणमा लिइएका सबै सवारी साधनहरूलाई आवश्यक कारबाहीका लागि खजुरा गाउँपालिकाको कार्यालयमा बुझाइएको प्रहरीले जनाएको छ । जिल्ला प्रहरी कार्यालय बाँकेका अनुसार गाउँपालिकाले नियम विपरीत उत्खनन् तथा ढुवानी गरेका सबै सवारी साधनलाई जरिवाना तिराएर छोडेको छ ।
प्रतिक्रिया