काठमाडौं । मतदानमा ढिलाई हुँदै गएका कारण नेकपा एमालेको ११ औँ महाधिवेशन अन्तर्गत भइरहेको मतदानको समय ८ बजे सकिँदैछ।
साँझ ५ बजेसम्म मतदानस्थलभित्र प्रवेश गरेका मतदाताले मतदान गर्न पाउने भनिएपनि तीन घण्टा मतदान स्थल प्रवेश गर्ने समय थपिएको महासचिवका प्रत्यासी शंकर पोखरेलले जानकारी दिएका छन् । उनले ८ बजेसम्म भित्र प्रवेश गर्नेले मतदान गर्न पाउने बताए ।
नेतृत्व चयनका लागि जारी मतदान निकै सुस्त गतिमा चलिरहेको छ। केन्द्रीय निर्वाचन आयोगका सचिव डा. कुन्साङ लामाका अनुसार दिउँसो ३ बजेसम्ममा ६ सय ५० मतदान भएको हो। बिहान ९ बजेदेखि मतदान सुरु भएको थियो। राति १० बजे सम्ममा मतदान प्रक्रिया सकिने अपेक्षा गरिएपनि अझै केही बेर लाग्न सक्ने आयोगले अनुमान गरेको छ ।
चुनाबी प्रतिस्पर्धा अध्यक्ष केपी शर्मा ओली र वरिष्ठ उपाध्यक्ष ईश्वर पोखरेलको नेतृत्वमा दुई अलग–अलग प्यानल रहेका छन्।
प्रतिक्रिया