काठमाडौं । राष्ट्रिय स्वतन्त्र पार्टी (रास्वपा)को केन्द्रीय उपाध्यक्ष स्वीकार गर्दै राजनीतिमा अग्रसर देखिएका ऊर्जामन्त्री कुलमान घिसिङले अन्ततः राजीनामा दिने भएका छन् । घिसिङले मन्त्रालयमा अहिले राति ९ बजे पत्रकार सम्मेलन गरी राजीनाको घोषणा गर्ने बताइएको छ ।
उनको सचिवालयका अनुसार राजीनामा दिने निश्चित भएपछि पत्रकार सम्मेलनमार्फत घोषणा गर्न लागेका हुन् ।
उनी गत भदौ ३० गते ऊर्जामन्त्रीमा नियुक्त भएका थिए । उनलाई भौतिक योजना तथा यातायात र सहरी विकास मन्त्रालयको पनि जिम्मेवारी दिइएको थियो ।
गत पुस १४ गते रास्वपा र उज्यालो नेपाल पार्टीका संरक्षक कुलमान घिसिङबिच ७ बुँदे सहमति भएको थियो । घिसिङ राजनीतिमा अग्रसर देखिएपछि प्रधानमन्त्री सुशीला कार्कीले उनलाई मार्गप्रशस्त गर्न भनेकी थिइन् ।
प्रतिक्रिया