काठमाडौं । नेपाल आयल निगमले डिजेल र मट्टितेलको मूल्य बढाएको छ । आज मध्यरात १२ बजेदेखि बढाइएको नयाँ मूल्य लागू हुने निगमले जनाएको छ ।
निगम सञ्चालक समितिको बैठकले डिजेल र मट्टितेलमा प्रतिलिटर तीन रुपैयाँको दरले मूल्य बढाएको हो । निगमका अनुसार पेट्रोल र खाना पकाउने ग्याँसको मूल्य भने यथावत राखेको छ ।
यसैगरी हवाई इन्धन आन्तरिकतर्फ प्रतिलिटर १ रुपैयाँले र अन्तर्राष्ट्रियतर्फ काठमाडौंको लागि प्रतिकिलोलिटर ७ अमेरिकी डलरले घटाइएको छ ।
अन्तर्राष्ट्रियतर्फ पोखरा र भैरहवा अन्तरराष्ट्रिय विमानस्थलका लागि भने ब्रेकइभन पोइन्टमा बिक्री मूल्य कायम गरिएको निगमले जनाएको छ ।
प्रतिक्रिया