काठमाडौं । क्यान्सर रोगप्रति जनचेतना अभिवृद्धि गर्ने, यसको रोकथाम, समयमै पहिचान तथा प्रभावकारी उपचारमा जोड दिने उद्देश्यले आज विश्वभर विश्व क्यान्सर दिवस विभिन्न सचेतनामूलक कार्यक्रम गरी मनाइँदैछ ।
हरेक वर्ष फेब्रुअरी ४ तारिखमा मनाइने यो दिवस सन् २००० मा फ्रान्सको पेरिसमा आयोजित ‘नयाँ सहस्राब्दीका लागि क्यान्सरविरुद्ध विश्व शिखर सम्मेलन’बाट पारित ‘चार्टर अफ पेरिस अगेन्स्ट क्यान्सर’पछि औपचारिक रूपमा मनाउन थालिएको हो ।
विश्व स्वास्थ्य संगठन (डब्ल्यूएचओ)का अनुसार विश्वभर प्रत्येक वर्ष करिब १० लाख मानिसको मृत्यु क्यान्सरका कारण हुने गरेको छ । धूमपान, तमाखु सेवन, अस्वस्थ जीवनशैली, असन्तुलित खानपान तथा शारीरिक निष्क्रियता क्यान्सरका प्रमुख जोखिम कारकका रूपमा रहेका छन् ।
स्वास्थ्य विज्ञहरूले क्यान्सरबाट बच्न स्वस्थ जीवनशैली अपनाउने, नियमित स्वास्थ्य परीक्षण गर्ने तथा प्रारम्भिक चरणमै रोग पहिचान गरी उपचार गराउने विषयमा विशेष ध्यान दिनुपर्नेमा जोड दिएका छन् ।
प्रतिक्रिया