काठमाडौं । नेपाली कांग्रेसको केन्द्रीय कार्यसम्पादन समिति बैठक आज बस्दैछ । बैठक बिहान ८ः३० बजे ‘जुम’ प्रविधिमार्फत आयोजना गरिने पार्टी केन्द्रीय कार्यालयका कार्यवाहक मुख्य सचिव कृष्णप्रसाद दुलालले जानकारी दिएका छन् ।
उक्त अनलाइन बैठकमा केन्द्रीय कार्यसम्पादन समितिका पदाधिकारीहरूलाई सहभागी हुन अनुरोध गरिएको छ ।
बैठकका लागि तीनवटा प्रमुख एजेन्डा तय गरिएका छन् । कार्यवाहक मुख्य सचिव दुलालका अनुसार बैठकमा नेपाली कांग्रेस प्रतिनिधिसभा सदस्य निर्वाचन परिचालन निर्देशिका-२०८२, सार्वजनिक कार्यक्रम व्यवस्थापन निर्देशिका-२०८२ तथा केन्द्रीय अनुशासन समिति गठन सम्बन्धी विषयमा छलफल हुने छ ।
आगामी निर्वाचन र पार्टी संगठन व्यवस्थापनसँग जोडिएका विषयहरूमा नीतिगत निर्णय गर्न बैठक महत्वपूर्ण मानिएको छ ।
प्रतिक्रिया