काठमाडौं । आईसीसी टी-२० विश्वकप अन्तर्गत जारी खेलमा नेपालले इंग्ल्यान्डविरुद्ध तेस्रो सफलता हात पारेको छ । भारतको मुम्बईस्थित वानखेडे रङ्गशालामा भइरहेको खेलमा नेपालले टस हारेर पहिले फिल्डिङ गरिरहेको छ ।
खेलको छैटौं ओभरको पहिलो बलमा नेपालका लेग स्पिनर सन्दीप लामिछानेले इंग्ल्यान्डका टम ब्यान्टनलाई एलबीडब्लू आउट गर्दै नेपाललाई तेस्रो विकेट दिलाएका हुन् । ब्यान्टनले पाँच बल खेलेर मात्र दुई रन जोड्न सके ।
नेपालले यसअघि नै इंग्ल्यान्डका दुई शीर्ष क्रमका ब्याटरलाई पवेलियन फर्काइसकेको छ, जसले खेलमा नेपाली टोलीको आत्मविश्वास बढाएको छ ।
यस खेलका लागि नेपालले कुशल भुर्तेल, आसिफ शेख, रोहित पौडेल, दीपेन्द्रसिंह ऐरी, आरिफ शेख, लोकेश बम, गुल्सन झा, करण केसी, शेर मल्ल, नन्दन यादव र सन्दीप लामिछानेसहितको प्लेइङ-११ उतारेको छ ।
इंग्ल्यान्डको प्लेइङ-११ मा फिल साल्ट, जस बट्लर, ज्याकब बेथेल, टम ब्यान्टन, ह्यारी ब्रुक, विल ज्याक्स, साम करन, लियाम डसन, आदिल राशिद, जोफ्रा आर्चर र लुक वुड छन् ।
नेपाल समूह ‘सी’ मा रहेको छ । यस समूहमा नेपालसँगै इंग्ल्यान्ड, वेस्ट इण्डिज, इटाली र स्कटल्यान्ड सहभागी छन् ।
प्रतिक्रिया