काठमाडौं । आईसीसी टी-२० विश्वकप अन्तर्गत जारी खेलमा इंग्ल्यान्डले नेपाललाई १८५ रनको चुनौतीपूर्ण लक्ष्य दिएको छ । टस जितेर पहिले ब्याटिङ गरेको इंग्ल्यान्डले निर्धारित २० ओभरमा ७ विकेट गुमाउँदै १८४ रन बनाएको हो ।
इंग्ल्यान्डका लागि जेकब बेथेलले सर्वाधिक ५५ रनको योगदान दिए । आक्रामक ब्याटिङ गरेका उनले ३५ बलमा चार चौका र चार छक्काको मद्दतमा ५५ रन बनाए ।
त्यस्तै, कप्तान ह्यारी ब्रुकले चार चौका र तीन छक्कासहित ५३ रनको अर्धशतकीय पारी खेले । विल ज्याक्सले अविजित ३९ रन जोडे भने पूर्वकप्तान जोस बटलरले २६ रन बनाए ।
नेपालका लागि बलिङतर्फ दीपेन्द्रसिंह ऐरी र नन्दन यादवले समान दुई-दुई विकेट लिए । सन्दीप लामिछाने र शेर मल्लले एक-एक विकेट हात पारे ।
अब नेपाल १८५ रनको लक्ष्य पछ्याउँदै ऐतिहासिक जितको प्रयासमा मैदान उत्रनेछ ।
प्रतिक्रिया