काठमाडौं । नागरिक उन्मुक्ति पार्टी (नाउपा) नेपालका संरक्षक रेशम चौधरीको पक्षमा सर्वोच्च अदालतले अन्तरिम आदेश दिन अस्वीकार गरेको छ । यससँगै आगामी फागुन २१ गते हुने प्रतिनिधि सभा निर्वाचनमा उम्मेदवार बन्न नपाउने भएका छन्।
आइतबार सर्वोच्च अदालतका न्यायाधीशद्वय शारंगा सुवेदी र टेकप्रसाद ढुंगानाको संयुक्त इजलासले चौधरीको उम्मेदवारी खारेजविरुद्ध दायर रिटमा अन्तरिम आदेश दिन अस्वीकार गरेको हो।
सर्वोच्चको आदेशमा संविधान, मुलुकी फौजदारी कार्यविधि संहिता तथा प्रतिनिधि सभा सदस्य निर्वाचन ऐनका विभिन्न धाराहरूको व्याख्या अन्तिम सुनुवाइका क्रममा मात्र हुने भएकाले सुविधा सन्तुलनका आधारमा तत्काल अन्तरिम आदेश दिनुपर्ने अवस्था नरहेको उल्लेख गरिएको छ।
चौधरीले कैलाली क्षेत्र नम्बर १ बाट प्रतिनिधि सभा सदस्यमा उम्मेदवारी दिएका थिए । तर माघ ८ गते निर्वाचन अधिकृतको कार्यालयले उनको मनोनयनपत्र खारेज गरेको थियो। उक्त निर्णय बदर गर्न माग गर्दै चौधरीले माघ ९ गते सर्वोच्च अदालतमा रिट दर्ता गराएका थिए।
प्रतिक्रिया