सुनचाँदीको मूल्यमा सामान्य गिरावट, तोलामा ३ हजारले घट्यो सुन

काठमाडौं । नेपाली बजारमा शुक्रबार सुनको मूल्य सामान्य रूपमा घटेको छ। नेपाल सुनचाँदी व्यवसायी महासंघका अनुसार आज सुन प्रतितोला तीन हजार रुपैयाँले घट्दै तीन लाख तीन हजार ५०० रुपैयाँ कायम भएको छ।

यसअघि बिहीबार सुन प्रतितोला तीन लाख ६ हजार ५०० रुपैयाँमा कारोबार भएको थियो। लगातारको उतार–चढावबीच शुक्रबार बजारमा सुनको मूल्यमा स्पष्ट गिरावट देखिएको हो।
त्यसैगरी, चाँदीको मूल्य पनि घटेको छ। चाँदी प्रतितोला ३४० रुपैयाँले घटेर पाँच हजार रुपैयाँमा झरेको महासंघले जनाएको छ। अघिल्लो दिन चाँदी प्रतितोला पाँच हजार ३४० रुपैयाँ रहेको थियो।

हाल अन्तर्राष्ट्रिय बजारको प्रभावसँगै स्थानीय बजारमा पनि सुन–चाँदीको मूल्यमा परिवर्तन भइरहेको व्यवसायीहरू बताउँछन्।