काठमाडौं । नेकपा एमालेबाट अलग भएर बसेका जितेन्द्र नारायण देवले नेपाली कांग्रेसमा पुनः फर्किएको घोषणा गरेका छन्।
मंगलबार जारी विज्ञप्तिमार्फत देवले हालै सम्पन्न विशेष राष्ट्रिय महाधिवेशनले पारित गरेका नीति, विचार, योजना, प्रस्ताव तथा प्रतिबद्धताहरूलाई स्वागत र समर्थन गर्दै आफू कांग्रेसमा पुनः आबद्ध भएको जानकारी दिएका हुन्। देव राष्ट्रियसभा सदस्यको पदावधी सकिएपछि एमालेमा प्रवेश गरेका थिए ।
उनले महाधिवेशनबाट निर्वाचित गगन कुमार थापाको नेतृत्वमा रहेको केन्द्रीय कार्य समितिप्रति पूर्ण आस्था र प्रतिबद्धता व्यक्त गरेका छन्। नयाँ नेतृत्वले अघि सारेको अग्रगमनकारी सोच र नीतिले देशमा सामाजिक तथा राजनीतिक रूपान्तरणको अभियानलाई प्रभावकारी र निर्णायक रूपमा अघि बढाउने विश्वास उनले व्यक्त गरेका छन्।
देवले कांग्रेसले पार्टीभित्र परिवर्तनको प्रक्रिया सुरु गरिसकेको उल्लेख गर्दै यही नेतृत्वले देशलाई पनि जनहितको दिशामा रूपान्तरण गर्ने विश्वास व्यक्त गरेका छन्।
एमालेबाट राजनीति सुरु गरेका देव केहिले मधेशवादी दल, कहिले कांग्रेस, कहिले एमाले हुँदै आएका थिए ।
प्रतिक्रिया