बागलुङ । प्रगतिशील लोकतान्त्रिक पार्टी (प्रलोपा)का केन्द्रीय सदस्य तथा गण्डकी प्रदेशका अध्यक्ष यज्ञ बल्लभ शर्मा नेपाल कम्युनिष्ट पार्टी (नेकपा)मा प्रवेश गरेका छन् ।
जनार्दन शर्माका सारथीका रुपमा रहेका शर्माले चुनावको मुखैमा पुरानै दलमा फर्केका हुन् । शर्मालाई नेकपाका नेताहरू दीनानाथ शर्मा र हितमान शाक्यले स्वागत गरेका छन् ।
तत्कालीन माओवादीबाट विद्रोह गरेर जनार्दन शर्माले गठन गरेको प्रलोपामा लागेका शर्मा आइतबार प्रगतिशील लोकतान्त्रिक पार्टी (प्रलोपा)का केन्द्रीय सदस्य तथा गण्डकी प्रदेशका अध्यक्ष त्यागेर नेपाल कम्युनिष्ट पार्टी (नेकपा)मा प्रवेश गरेका हुन् ।
शर्माले बाबुराम भट्टराई र जनार्दन शर्माले माक्र्सवादी सिद्धान्त छोडेर समाजवादी आर्थिक कार्यक्रमसमेत नबनाएको जिकिर गर्दै पुरानै घरमा फर्केको प्रतिक्रिया दिएका छन् । प्रलोपाले माक्र्सवादी सिद्धान्त र समाजवादी अर्थनीति परित्याग गरेकोले नेकपामै पुनः प्रवेश गरेको उनको भनाइ छ ।
बागलुङका शर्मा भारतमा तत्कालीन नेकपा माओवादीको एकता समाजदेखि सङ्गठन गरेका अनुभव रहेका नेता हुन् । यस्तै, निसीखोला–१ लेवाङका नेकपा (एमाले)का गण्डकी प्रदेश सदस्य अमरसिंह घर्ती पनि नेकपामा प्रवेश गरेका छन् ।
प्रतिक्रिया