देवदह । देवदहमा गएराति भएको सवारी दुर्घटनामा एक जनाको मृत्यु भएको छ भने अर्का एक जना घाइते भएका छन् ।दुर्घटनामा देवदह-७ निवासी २८ वर्षीय सुनिल पाण्डेको मृत्यु भएको देवदह प्रहरी चौकीका इन्चार्ज भीमसेन विष्टले जानकारी दिए ।
प्रहरीका अनुसार बुटवलबाट काठमाडौं जाँदै गरेको लु प्र ०१-००१ ख ०८१६ नम्बरको बसले विपरीत दिशाबाट आउँदै गरेको लु ९२ प ७९९० नम्बरको स्कुटरलाई देवदह-९ स्थित घोडाहा काँटा चोकमा ठक्कर दिएको थियो। दुर्घटना राति करिब १०:३० बजे भएको बताइएको छ ।
दुर्घटनामा परेर देवदह-५ निवासी २८ वर्षीय कृष्ण पाइजा घाइते भएका छन् । घाइते दुवै जनालाई तत्काल उद्धार गरी देवदह मेडिकल कलेज, भलुही पुर्याइएको थियो । उपचारकै क्रममा पाण्डेको मृत्यु भएको प्रहरीले जनाएको छ ।
घाइते पाइजाको देवदह मेडिकल कलेजमै उपचार भइरहेको प्रहरीले जानकारी दिएको छ । दुर्घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया