अर्घाखाँची । प्रतिनिधिसभा सदस्य निर्वाचन अन्तर्गत अर्घाखाँचीमा राष्ट्रिय स्वतन्त्र पार्टी (रास्वपा) का उम्मेदवार हरि प्रसाद भुसालले प्रारम्भिक मतगणनामा अग्रता लिएका छन् ।
शुक्रबार बिहानदेखि सुरु भएको मतगणनाअनुसार हालसम्म सन्धिखर्क नगरपालिका वडा नम्बर १, २, ३ र ४ को मत परिणाम सार्वजनिक भएको छ ।
सार्वजनिक मतपरिणाम अनुसार भुसालले २ हजार ७०७ मत प्राप्त गर्दै अग्रस्थानमा रहेका छन् ।
उनका निकटतम प्रतिस्पर्धी नेपाली कांग्रेसका उम्मेदवार विष्णु प्रसाद खनाल ‘मुस्कान’ले १ हजार ४०४ मत प्राप्त गरेका छन् । त्यस्तै नेकपा (एमाले) का उम्मेदवार पीताम्बर भुसालले १ हजार ३७८ मत प्राप्त गरेका छन् ।
अर्घाखाँचीमा मतगणना जारी रहेकाले आगामी परिणामसँगै मतान्तरमा परिवर्तन हुन सक्ने जनाइएको छ ।
प्रतिक्रिया