काठमाडौं । सिन्धुपाल्चोक प्रतिनिधिसभा निर्वाचन क्षेत्र नम्बर २ मा नेपाली कम्युनिष्ट पार्टीका उम्मेदवार युवराज दुलाल विजयी भएका छन्।
दुलालले २१ हजार ३२० मत प्राप्त गर्दै विजय हासिल गरेका हुन्। उनका निकटतम प्रतिस्पर्धी नेपाली काँग्रेसका बंशलाल तामाङले १८ हजार ५२० मत प्राप्त गरेका छन्। दुवै उम्मेदवारबीच २ हजार ७३० मतको अन्तर रहेको छ।
उक्त निर्वाचन क्षेत्रमा कुल १८ जना उम्मेदवार प्रतिस्पर्धामा थिए। नेकपा एमालेका शेरबहादुर तामाङले १५ हजार ३९५ मत प्राप्त गरे भने राष्ट्रिय स्वतन्त्र पार्टीका झलककुमार श्रेष्ठले १३ हजार ७३० मत ल्याएका छन्।
क्षेत्र नम्बर १ मा राष्ट्रिय स्वतन्त्र पार्टीका भरत पराजुली विजयी भएका छन्। उनले नेपाली कम्युनिष्ट पार्टीका माधव सापकोटालाई पराजित गर्दै जीत हात पारेका हुन्।
पराजुलीले २४ हजार ४१२ मत प्राप्त गरे भने उनका निकटतम प्रतिस्पर्धी माधव सापकोटाले १७ हजार ३२७ मत पाएका छन्।
प्रतिक्रिया