काठमाडौं । सोमबार नेप्से परिसुचकमा तीव्र उछाल आएपछि लगातार तीन पटक सर्किट ब्रेक लाग्दा कारोबार दिनभरका लागि स्थगित गरिएको छ।
कारोबारको सुरुवातसँगै बजार तीव्र गतिमा उकालो लाग्दा पहिलो सर्किट ब्रेक खुलेको करिब एक मिनेटमै लागेको थियो। त्यसपछि २० मिनेटका लागि कारोबार रोकेर पुनः बजार खोल्दा अर्को एक मिनेटमै दोस्रो सर्किट ब्रेक लाग्यो। दोस्रो सर्किटपछि ४० मिनेटका लागि स्थगित गरिएको बजार फेरि खुल्दा पनि एक मिनेट नपुग्दै तेस्रो सर्किट ब्रेक लागेपछि सोमबारका लागि कारोबार पूर्ण रूपमा बन्द गरिएको हो।
आजको कारोबारपछि नेप्से परिसुचक १६२ दशमलव ९६ अंकले बढेर २८७५ बिन्दुमा पुगेको छ। दिनभरमा करिब ५५ करोड ५९ लाख रुपैयाँ बराबरको सेयर किनबेच भएको छ।
प्रतिनिधिसभा निर्वाचनको मतगणनाबाट दुई तिहाई बहुमतको स्थिर सरकार बन्ने देखिएपछि लगानीकर्तामा विश्वास बढेको र त्यसको सकारात्मक प्रभाव सेयर बजारमा परेको विश्लेषण गरिएको छ।
प्रतिक्रिया